يازين صوتن سمعته يوم ناداني
لبيه يانبرة الاحساس لوحيته
رد النفس في عروق الروح وحياني
لديت فيه النظر واهلين حييته
عزالله أن الغلا محشوم للجاني
الي عليه جني ماذنب سويته
الا غلاه المتيم وسط شرياني
عطاه ربي وانا من* حب مديته
وتاصل الحب في قلبي وعناني
مغير اراعي* الزوله كل ماجيته
ماكن غيره على كبد الوطا ثاني
اشوف فيه السعادة لاتحليته
امي أبويه وعمي وأصغر اخواني
لاوالله الا القبيلة كان سميته
لبيه لبيه من روحي و وجداني
يغلى من الروح وش باقي ولاعطيته