صعاليك العصر
كلنا يشتكي من كثر الاعلانات المزعجة
وفوق هذا كل من أشتهر في السناب
صار يعلن الكل شئ النافع والضار
والاغلب غش شئ مايسوا ربع ثمنه
حتي الي معلن له مايستخدمه لرداته لكن يعلن
له رغبة في قيمة الاعلان
المهم جت هذي الأبيات تقبلوها
$$$$$$$$$$$$$$$$$
ياصعليك العصر وش هالوضاعه
كل يوم علانكم لي ترسلونه

الحق الحق قبل لاتقضى البضاعه
والله انه والله انه مار لجلي يرخصونه

لعن ابوكم عيب مانتم في مجاعه
في عهد سلمان ومنسف ردونه

فاضت الانعام زودن وتساعه
وانتم انتم نفسكم ..ماتشترونه

بعض مايعرض مامن كسبه طماعه
منتج/ن/بالصين.. لكم يصدرونه

تسرق المركات في خبث وخداعه
وكل منتج ....بالوجود. قلدونه

وبعض تجار العرب فيهم خناعه
يجلبون* من الردي و.. يوزعونه

الضعف بالعظم تظهره الإشاعة
مار ضعف النفس من يظهر دفونه؟!

امنعونا من غششكم يالرعاعه
الحرام بعينه....... الي* تفعلونه