.
.
.
.
قلت هذه القصيده مع انطلاق عاصفة الحزم
30/6/2016
.
.
لي دولتن قلب الحقود يحسدها=وامجادها راحت ورا الجدي وسهيل
حكامها يارب فالخير زدها=واطعم عداها سم وادبلها الكيل
يا دولتن تأبا السيوف تغمدها=عدوانها بالحرب ياويلها الويل
لو الجيوش ايران جات تحشدها=معنا بعد ربي رجالن دهاويل
روسن تطاول روسنا بنحصدها=خل الكلام السمج والحط والشيل
واذناب فرس ايران يوم تعبدها=حنا عبادتنا سجودن وتهليل
باذن الكريم بليلها بنهجدها=يصبح نهارن ماتجيبه مقاييل
هاذي علوم ابطالنا و اعتمدها=ندحر هل الطاغوت دحرة هل الفيل
جيش ابرههه جاب الجموع يحفدها=و الله بعث لمحاربه طير ابابيل
و اليوم لو المعجزه نفتقدها=للبيت ربن يحفظه با رياجيل
نار المجوس اسطولنا بيخمدها=خمده بها يحكون جيلن ورا جيل
والطايله ما حدن ترا ينتقدها=كلن لها يسعا ويلقى المحاصيل
يا فخرنا سلمان شمّر وقدها=معك حلاحيلن تفك المحابيل
جيشن تواريخ المعالي وردها=للعايل الطمّاع حد المصاقيل
نطحة عدوه ما انخبر يفتقدها=سهله عليهم مثل شرب الفناجيل
لا قامت اعداكك الحبال تعقدها=وحامو على دارك هل الزيغ والميل
فك الحرار وهد لا تقتصدها=هد اشقرن في صملته قاوي الحيل
وان عادة العدوان بالمثل عدها=حيثك على الردات فعلك من القيل
على صدور القوم يدك تهبدها=وتسوقهم بالكسب سوق المباهيل
و جموعهم يوم اللقا تفتردها=فردة هصور الغاب لمومي الذيل
لاجت على دربك فلاشك بدها=جرفت قشوع القاع لاجرها السيل
لك وقفتن يالحر كلن حمدها=في شرق والا غرب والا على النيل
واثبت عليها واحتزم واجتهدها=يومك وريث المجد من دون تحليل
ريضان نجد بـ حضرتك ما شهدها=لا امحال قاع ولا خديعه ولا عيل
واليوم غيثك كل داري وكدها=راحت بأمان وكلها لك مداهيل
يا تاج من نفسه لداره زهدها=يطش روحه ما تجيها مداخيل
ماحدن بعد حفظ الولي يضطهدها=اليا ثنو من دونها فرّس الخيل
أحفاد من لاضاق عاني وجدها=تكحل عيونه بالفزع كحلة الميل
بعيون عذرن لـ انتخت تستندها=تناخوا الشجعان مع دربها هيل
تنخا اليمن حكامنا و تعضدها=والعاقبه لاهل الشريعه تساهيل
من كل دوله راح خيرة بددها=ولاهمنا لو زل عنها الجهاهيل
كل ابلجن وقفتك راسه قندها=ونشوف ناتج وقفتك بالمقابيل
دارن بها البيتين كلن قصدها=تستاهل نفاديبها الروح ونطيل
بدرالهبيري
.
.
.
.