خالد بن عبيد بن معتوق الأحمدي
اسمّعك صبّحت بالخير ولاّ يامسىا النّور=اختار فالاثنين وحده وانا باجيك فيها
لك وقت ياعيسى مغيّب وفي غيبتك معذور=واليوم جاب الحظ فرصه ولي وقت احتريها
عيسى بن رجعان الرّشودي
يامرحبا ياخالد عبيد جعل ايّامك سرور=وشوفة رجال الطّيب شرواك حنّا نشتريها
الحي لابده يجي والزّمان يلفّ ويدور=وصحبة رجال الطّيب مايوم باتندم عليها
خالد بن عبيد بن معتوق الأحمدي
تبقى وانا من جملة الطّيبين اخبرك مخبور=واليوم لاحظ صاحبك فيك حاجه مارضيها
شفتك تحاول تقرب البحر لكن منه مذعور=ولا ينمدح فالطّايله واحدٍ مايعتليها
عيسى بن رجعان الرّشودي
يالاحمدي خابرك ماتقرب البهتان والزّور=ومن لا يعرف اصقورها زاعم انّه يشتويها
نارد حياض الموت فالمعركه والحظ معمور=من دون عوف إذا وقفنا ترانا نحتميها
خالد بن عبيد بن معتوق الأحمدي
نهجي على ظنّك بطيب النّقا لايمكن يبور=إعرف مناهيج الصّقور الكواسر واحتويها
ماكذّبك ماصدقك والقضيّه دونها سور=حتى نشوف الوقفه اللي جنابك محتسيها
عيسى بن رجعان الرّشودي
ياخالد ابن عبيد ترى القصيد احساس وشعور=والطّيبه ماتتعب الطّيب اللي ينتقيها
لاتسبق الأحداث شوف الحقايق وانت دكتور=الطّرق تمشيها حسب سيرها لو ماتبيها