شاب القصيد وباقي الطيب ماشاب
باقي على لونه وشكله وعزه
صممت له عزي شبابيك وابواب
لاني سمو العز وبيت المعزه
وفتحت صدري للمشاكيل ترحاب
وعقلي جبل ماحدٍ يحاول يهزه
رباني اللي نظرته فوق مرقاب
ابوي بالشدات ماحدٍ يلزه
ياهيه ياللي تدعي حل الاصعاب
ماشفنا اركابك درهمت صوب غزه
عوافي ماحدٍ قام يحسب لك احساب
عود على العصير وبالحيل مزه
السوق له شراي وبايع وجلاب
وسعر الذهب يفرق عن اكياس مزه
مع تحيات نجم حرب نايف عبدالله السليمي