لاضاق صدري يم الاحباب سجيت
اهل الوفاء والطيب واهل الستيره
سلام يا رموز الوفاء ياهل الصيت
انتم سمات الطيب في كل ديره
انتم هنا واهناك جبالٍ ثوابيت
الكل منكم يرتكي للعسيره
ياموقت الساعه على الوقت توقيت
حرك عقاربها على ارض الجزيره
هذا الزمن شتت لي الفكر تشتيت
والحافظ المعبود مافيه غيره
الله يثبتنا على الحق تثبيت
ويجعل لنا في كل الاحوال خيره
وحييت ياراع المواثيق حييت
وهذي علومي والسوالف كثيره
مع تحيات نجم حرب
نايف عبدالله السليمي