خليفه المزروعي
سلام وخذ الجزال وهات
ضرب المثل عندكم جزله
شعري موجه لكم بالذات
ابغى افتله ونقضو فتله
حمد جعفر الشيخ
يامرحبا راعي الجزلات
والادمي قدوته عقله
الشعر بعضه ف مهده مات
وبعضه بقي لو توفى اهله
خليفه المزروعي
عسى البقى من رجال إثقات
وراع الثقه جيت من اجله
ليه سنه باصل الهقوااااااات
لف الزمن وإختلف عدله
حمد جعفر الشيخ
اقول من ابرك الحزات
يا صاحبن منقطع وصله
لا كنك العلم له وجهات
اللي تبى هقوتي تصله
خليفه المزروعي
لاشك من أسعد اللحظات
لحظات بالطيب متصله
الحر مايجهل الهدات
لاكن الأحلام منفصله
حمد جعفر
ياكثر الاحلام ذا الاوقات
وتصادف ابواب منقفله
والصقر من طبعه الهجمات
لا كنها ماتجي ختله
خليفة المزروعي
بقوا النمر طالع الطلعات
وخطوطها خطوط منشتله
بعد التعب ناصل الراحات
ونشد فوق الجمل عدله
حمد جعفر
شد النمر يعدم الهوبات
من كثرها طلعه ونزله
تخلي الفكر في خانات
مايحسم العلم من اصله
خليفة المزروعي
هيهات ياصاحبي هيهات
هوباتنا عندها كمله
ماجيتها غير بالفرتات
صنع الخواجات للحمله