يا سلام الله مثل وبل المخايل
صافين نقروح من مي الثميله
ياسعد ابداع في كل المثايل
يارموز الشعر لاجات الصميله
يارفيع المجد ياواف الخصايل
نادرا مجناه من رأس الطويله
سيف أبو حدين كساب الأصايل
راعي الميقاف للمخطي دليله
من محاميد الكرم قول وفعايل
شجرتن و فروعاه دايم ضليله
فاخره بمجادها مع القبايل
فعلها وابطالها ماهي قليله
القصيده شفتها عبر الرسايل
ب المزيني وقفته ما هي ذليله
الرجال اللي يسوون الجمايل
مثل أبو سلطان ماهي مستحيله
كلمات الشاعر صلاح عواض المزيني