ياسلام الله سلامٍ مُستحب=ورحمة الله وبركاتة يوم طاب
الخبر والعلم والداعي وجب=بالثناء والمدح والقول الصواب
من قبيلة أسم ومسمى ولقب=حرب حرابة الدول يوم الحِراب
حنا حرب أهل الشدائد والكُرب=ماحسبنا يوم للدنيا حساب
الفخر والعز لمنه ينتسب=من قبيلة وقفت وقفة تُهاب
موقفٍ لإبناء القبيلة ينحسب=بالتكاتف يوم حل فيها مُصاب
نرفع الهامات ونثير الرُعب=من مواقف ربعنا عند الصعاب
موقفٍ يكتب حروفه من ذهب= يدخل التاريخ به مع كل باب
بأروع الأمثال بالدنيا ضُرب=يوم سقنا المال لأبنٍ من الشباب
لأجل خالد وأم خالد ياعرب=نبذل المجهود وكل شيٍ يُجاب
ماعلينا شي بها الدنيا صعب=العصب يهون والقاسي يُذاب
قادها اللي وأن فعل فعلٍ كسب= أخو حسناء الفرم فكاك النشاب
أبو مشعل شيخ له ربي وهب=هيبةٍ وحضور مع حسن الخطاب
قالها لشيوخ وأعيانٍ في حرب=يومكم اليوم مانرضى الغياب
وجت جموعٍ فازعة من كل حدب= بالعطايا اللي من صدورٍ رحاب
لين غطت وأتعبت منه حسب=وساهمت من زودها بعتق الرقاب
بارك الله من سعى فيها وتعب=من شيوخ العلم وقادات الركاب
ومن رجال أعمال مدتهم ذهب=مددت المليون مافيها إغتراب
ومن نشاما كل واحد يلتهب=جندوا أرواحهم مثل الذياب
وجهوا حملاتهم شرقٍ وغرب=والشمال ونجد في شتى الهضاب
لين جو حجاز حرب اللي تضب=من قبيلة حرب في كل الشعاب
وبيض الله وجه أجوادٍ تحب=تعمل المعروف أحباب وصحاب
من قبائل جات مع جل الخطب=مقدرين الدم وأجره والثواب
وأبشري بالخير يأم خالد قرب=أبنك الحبيب جاء عقب الغياب
مايضيع أنسان من ربه طلب=من رجاء الله يأم خالد مايخاب
دعوتك بالليل يارب يارب=دعوة أمٍ ربها لها أستجاب
أمسحي دمعاتك اللي تنسكب=دمعتك ماتطيح منك للتراب
مايهم المال نفدي من غضب=وأستمات من دون عرضه لايُعاب
والصلاة عداد ماغابت غرب=أو عدد ماهل ودان السحاب
للرسول المصفى بعلم وأدب=محمد المبعوث في أعظم كتاب