ملتقى قبيلة حرب الرسمي - عرض مشاركة واحدة

أشكرك أنا ياصاحب العرف والميز=عساك عليها نلت تقدير ممتاز
ورضيت يوم أرضيت أهل المناغيز=اللي على الغرات معروف نهاز
كسبتها وحطيت نقشٍ وتطريز=وهديتها اللي يحسبنه بها فاز
هاذي تراها تجوز لبعض العواجيز=اللي مع الشيطان هماز لماز
الحق علي عجلت من غير تمييز=مستبعدٍ باللي معي غير ماجاز
صحيح من يحكم على غير تركيز=يرضى ويقبل في قراره اليا باز
كنت أحسبٍ للسر عندك ملافيز=أثرك علي مع الضعيفين تنحاز
ياليتها من غيركم كان أباجيز=ولاثر علي وصار بالنفس حزاز
ياحيف أحسب هقوتي فيك ماتبيز=يقطعك ياطبعٍ غريبٍ وهزاز
تلقى البلاء يدور خلف الدهاليز=مير الليالي لما خفى الوقت براز
ومدام ماخليت حشمة وتعزيز=مثلك عسى ماحتاج يومٍ ولاعتاز