مجاراه من الشاعر سعود البشري
بيض الله وجه سلطان الفهيدي
قالها الممدوح سكان المدينه
يوم ابن دومان غنى بالنشيدي
الثناء راعيه تسلم لي يمينه
الثناء راعيه مثلك مايحيدي
يا ولد دومان طيبك عارفينه
الفهيدي طاب في مدحه تشيدي
بصمة المعروف في عالي جبينه
وأشهد أنه بالوفاء دايم جديدي
أرجحن بالكون جعل الله يعينه
كل يومٍ بالفخر له يوم عيدي
للرجال اللي مواقفهم ثمينه
ما يكل ولا يمل ولا يهيدي
يوم بعض الناس ما تندى يمينه
نظرته بالطيب ماتقرب بعيدي
من حرارٍ ما تصيد إلا السمينه
وربعه الزاكين بالعلم الأكيدي
طيبهم مخبور من ماضي سنينهه
يوم شبت نارها حام الوقيدي
وقفوا للموت في وقته وحينه
باسهم بالكون من باسٍ شديدي
لين شاف الضد ما يكره بعينه
يا سعد دومان يالسيف الحديدي
سيفنا المصقول حماي السفينه
للقبيلة عز لا بان الضديدي
ما يهاب الضد سيفٍ ذاخرينه
الحقيقه قلتها رايك سديدي
ليت راع الجود ماتفرغ إدينه
الشاعر / سعـود ابن سمـير
ردي على الشاعر سعود سمير البشري
حي راع الطيب والمجد التليدي
شاعرن معروف والعزوه مزينه
عزوتن لاصاح للقوم العقيدي
كم عديمن من جواده جادعينه
قبل حكم الدار والعيش الرغيدي
نشرهم بالسيف الاملح محتمينه
ياسعود سمير يفداك البليدي
والحسود اللي طعن سلمه ودينه
ماعليكم زود في طيب وقصيدي
ياحزامي لختلف خصمي رطينه
منك ياريف النشاما نستفيدي
ياعسى شرواك له بالقوم عينه
الفتى لاصار مامشاه سيدي
لو يحب الكوع ويفك الخزينه
مامدحه لو نجد يرحل لصعيدي
مانقوله من كلام ابرهنينه
يامفرقت الجنيه من المجيدي
اسمعو بيتن من اول قايلينه
بيض الله وجه سلطان الفهيدي
ويرحم الله والديك والدينه