الموضوع
:
مرحبا ترحيبة الاسلام في بيت المدينة
عرض مشاركة واحدة
20-01-17, 08:59 AM
#
7
عضو فضي
المشاركة الأصلية كتبت بواسطة فهد ابن غانم
هذه المحاوره جرت بين الشاعرين في بيت المدينه ضمن مهرجان الجنادريه
=حبيب
مرحبا ترحيبة الاسلام في بيت المدينة = الذي شيد على ارض العاصمة للي يزوره
يابلادي دام عزك في رخا وامن وسكينه = في ذرى الله ثم ذرى حكم الملوك اخوان نوره
=راشد
البقا ووجودكم ووجودنا فرصه ثمينه = فالمحل اللي منور ليلينا من زود نوره
يابلادي دام عزك في ذرى اليمنى الأمينة = البلاد اللي بشرع الله على العز امعموره
=حبيب
دايم المسلم معه غيره على عرضه ودينه = والمخالف كل مايبحث عنه تشويه صورة
وانت ياراشد مسافر فالبحر فوق السفينه = والمسافر بآخر الرحلة يعبر عن شعوره
=راشد
واحد ماهو غيور لدينه الله لايعينه = ليه نخطي والشريعة واضحة والأمر شوره
السفينة مابها إلا الكبتن اللي فالكبينة = جايز انا ناصلة ونكلمه عند الضرورة
=حبيب
الخطا وارد لاكن من القريب اكبر غبينة = مير مال الشر طب الا اجتثاثه من جذوره
خلها بيني وبينك والخطر بينك وبينه = سور واقي يحمي المخطور من شر الخطورة
=راشد
ياحبيب يمكن الواحد يشكك في قرينه = والصحيح الشمس كوكب ثابته والأرض كوره
من يقول انه ليا مرض الجمل يكوى سنينه = يلتمس له عذر مير النفس ماهي بمعذورة
=حبيب
الرجال ارجال ثم جبال وحصون حصينة = والزمن ياكثر فضله والدهر ياكثر جوره
علموا راشد يوضح دوره الله لايهينه = الشجيع اللي يحسم المعركة والدور دوره
=راشد
كم باقي عن طلوع الشعرة اللي فالعجينة = شعرة لو خمها واحد غلط نشبت بزوره
دورنا دور الولا والصدق في وقته وحينه = ماتقوله في غياب الرجل قوله في حضوره
بارك الله فيك
التوقيع :
إذا أدمت قوارصكم فؤادي ***** صبرتُ على أذاكم وانطويتُ
وجئـت إليكـــم طلق المحيا ***** كأني ما سمعـتُ ولا رأيـــتُ
http://www.youtube.com/watch?v=3JqNh-btjvw
طلق المحيا
مشاهدة ملفه الشخصي
البحث عن كل مشاركات طلق المحيا