ياكبتن ياطيار ممكن تهدي=توقف ثواني بالمدرج من بعيد
أجيك أنا وأعطيك علم وتمدي=وشلع سماء مشكور ياطاوي البيد
كل الذي أبيه ياشيخ فندي=خدمة بسيطة ماتخل المواعيد
لاوهنيك ماعليك أي بُعدي=ساعة زمان بديار حيٍ له نريد
أبيك اليا مريت عرعر تلدي=فيها النظر مرات وتعيد وتزيد
وخذ لفتين من فوقها لاتعدي=وأرفع لهم قبوعة الرأس بالايد
ميَل جناح الطائرة لين تبدي=أنوارها من القور لحزم الجلاميد
نور تشوف لايروح ظنك وتغدي=هاذي تراها نار بيوت الأجاويد
الله لايبيحك كان عنها تصدي=وتشوف جزءٍ غاليٍ عنه ماتشيد
ديار الشجاعة والكرم والتحدي=والطيب بأهل الطيب عادة وتعويد
لو شفتها وأن ربعت يالافندي=لون الطبيعه بالسهال الجراهيد
لو شفت أهلها طبعهم فرد فردي=عرفت ليه الناس تمشي بها سيد
ناسٍ مافيهم خبث وكرهٍ وحسدي=ولاتسمع اللي تسمعه من المقاريد
وجدي عليه كل ماقيل وجدي=وجد الصغير اللي أحترى ليلة العيد
أحن عليها لو أنا وسط نجدي=فكري وبالي دأيمٍ عنه مايحيد
أن راد ربي لوفي القول وعدي=وإني لاخلي روحتي له تراديد
أكيد شملتها نهضة الخير بعدي=وتطورت في كل شيٍ من جديد

[table1="width:95%;"]