قصيده موجهه الى الشاعر نواف هلال بن نومان الفريدي
*من الشاعر العملاق غازي بن مغيران الزغيبي
نواف بن نومان ياحلو بيته
يشدني سبكه وتوجيه قافه*
ينقى خزايزهن سوات الصنيته
شاعر وشعره مايجيه بكلافه
معناه يقربه ومبعدمبيته
يعجبني ادراجه وزين التفافه
الضعف ببيوته حشى مالقيته
لاحرك الايراع واصل رعافه
يكشف متيه الدرب مصباح ليته
نوادرن مابينهن لفض تافه
وعلى كذا وجهتهامستميته
غيدن مهقويها جمال وعفافه
ماتنحني في راسها لنبيته
*من عنفوانٍ* يختصر بالمسافه
مطلوبها من يرفع الراس صيته
الثنين قدامه وعشره اخلافه
وجهتهايمه وجاته وجيته
من شاعر ن مبدا الكلام اعترافه
يذخر من في نجد محفوض بيته
يفخربه الحربي وللمجد أضافه
لعدم* اهل المجد جاما نسيته
للعز يبيت الكرم والضيافه
بيتن يذري من يجيه ويقيته
يبنى على* شيخ ن قبال ولطافه
ونروحن خيل الطلب مقتفيته
ابشر وبشر من يكون بضفافه
*هذا الكلام الي بجده نقيته
نقيت حواسيبن تعد الصرافه
واللي على بالي وقصدن عنيته
باخر بحرتسعين جود كتافه
مابعت في سوق الرخيص وشريته
لوبلشتني به رجال الصحافه
كلن يقول الشرح كيته وكيته
ناسن تمس حبالها من لقافه
ولي مضيق خاطري ماكميته
ابديتهالك ونت شرح اغلافه
حقك عليه كل عاصي عصيته
وفلت بيدين البغيض انتافه
واللي يراودني برجلي وطيته
شهامتي باراس ماهي ضعافه
تم الكلام* وماكتبته قريته
واللي بغاه الذيب شمه وعافه
وش مكسبي في مسندي لا هجيته
لياصاربه مشروه والا ختلافه
وسلام
غازي الزغيبي
البارحه يوم الخلايق مبيته
بعد اكتمل ليل الشتاء بانتصافه
وجهت وجهي للكريم ودعيته
*اطلب رضى وجهه يقين ومخافه*
يالله عسى مجهود وقت* ٍ قضيته
*لرضاك ياذات الكبر والانافه
و نظم القصيد مسامره لاشتهيته
أرهي* على تشكيلته وانصرافه
لا زارني مبعوث ليله سريته
من جل مضمون الجزيل ومطافه
*من غازي مغيران خط ٍ* تليته
يضفي على قاف القريحه لحافه
ياقو* قاف ٍ يالزغيبي بديته
تأخذ نقو جله وتترك اخفافه*
*علي مردود القوافي لحيته
لحي الرشاء في طي بير اللصافه
وانعشت به حي ٍ على* ذكر ميته
يالله طول عمر حييه وعافه
ذكرت به راع الكرم واصطفيته
من طيب راس وصفو قلب ونظافه
*
اجزلت ياراع الوفى و احتسيته
من منطلق شعر النبط واحترافه
شاعر وبحر الشعر كنزه جنيته
من غبته وأهل المشاعر تخافه
*
باخر بحرتسعين سر ك رميته*
ياعل مايلحقك بأمره حسافه
*وانا لجل خاطرك جيت ولقيته
شر ٍ على الناس الموالين وآفه
والا البحر لا هاج موجه نصيته
* مالي بحالي يابن عمي مرافه
وان ماكفاني من مرادي كفيته
في نحو مدلول الكلام وخلافه
قريت معناك العميق ومحيته
حتى بحر تسعين نخشى جفافه
واصل الخطاء يامسندي لا قصيته
تلقى تحت راس الغشيم اقترافه
لو كل قول يمر سمعك قفيته
*أخذك عن درب القداء بانحرافه
درب ٍ يوسع خاطرك لا مشيته
ودرب ٍ يعرضك الشقاء والصلافه
*
*والا انت حر وكل عالي رقيته
* يكفيك ملموم الحجا* في منافه
نواف بن هلال بن نومان الفريدي