قصيدة بعنوان
*( الشعر ماهو للمراجل ترا قياس )*
بقلم / فواز بن محسن الزويهري الحربي
〰〰〰✍〰〰〰
الشعر ماهو للمراجل ترا قياس
العبد و الحرمة بالأمثال غنوا
المرجلة فعلك وقدحك من الراس
صدقك إذا ما الناس بالصدق ظنوا
والطيب ماينباع وينحط فكياس
وأهل الردا يشروه و فيه يتهنوا
الطيب غالي لجله بطبع واحساس
جبلةٍ عنها الخسيسين هنوا
عشنا وشفنا من تهاويل الأجناس
وناس في هذا اليوم أمسه تمنوا
والوقت هذا ذيبه يهاب الأغلاس
ونمورته لادنى حصانيه خنوا
المال فيه يطهر الناس الانجاس
والطاهرين ابلا دراهم تعنوا
وياباني الدنيا ويا حاطب بفاس
الرزق عند اللي نشا بامره النو
رزقك تبا توفيه ولو باقي فكاس
ولا تظن من قبلك للارزاق أفنوا
وأهل الطمع دايم فخانات الإفلاس
وأهل القناعة بأيسر الشي يغنوا
والوقت من يامن تقاليبه ا نحاس
ويلعب عله و ظهره الصلب يحنو
الشعر ماهو للمراجل ترا قياس
العبد و الحرمة بالأمثال غنوا
〰〰〰〰〰〰〰〰