يابن سعود مصطر الشعر تصطير
ياعل يقبل من دعاك السميعي
من ممبكر الوسمي تجيناتباشير
من ضلع خزه لين خط السريعي
سحابتن ينقرلهاالشرق وتحير
مافيه وادي مايجيله تريعي
صبح المطر والناس تاخذ تصاوير
تعرض على شاشات قدم المذيعي
1
وتربع ديارن مرب الخواوير
وضحن زها بخشومهن الرقيعيً
وضحن لبو ركان ريف المساييرّ
عقب الرجال مخضبين الوريعي
لاجا نهارن فيه سل البواتير
يومن يشيب فيه راس الرضيعيً
يتلون ابوغانم زعيم المغاوير
شيخن الى كبرة يكف الجميعي
خاله ذعار الخيل لاجت مناحير
يماوقع من حربته من شجيعي
2
مانع لاصكت عليه الطوابير
ولدو على عقب النمش وذريعي
له عزوتً منهاتفر المناعير
الاصويب الرمح ولا المنيعي
اطيبهم الي مايغرالمعابير
كمايفر من القنوص المريعي
صوته ذعار مسودسات المسامير
يرخون عزم الي وراه فزيعي
وصلات ربي عد ماغرد الطير
على نبي الخلق سني وشيعي
غازي الزغيبي