يا خــــــــوي لك دنّـو رحــايـلـك بـــدري
خلـــــيتني مـــكــســور من دون جـنحان
مـكـــسور ما يــــنفع بـه الـجـبـر كسري
كـسـر الظـــــهر فرقاك يا عــــز الأخوان
يا عـزوتي يـا تـاج راسـي وفــخــــــري
عـقـبـك لي الـدنيا تـــــرى زيــنهـا شـان
وتـكـسـرت عـبـرات حـزنـي بــصـــدري
يفـوح من ما به تـــــــــقـل فـوح بركـان
حــــــرْك كــــوى كبدي ظماء زاد قهري
ما هو ظمأ للماء لـشوفـتك ظــــــمـيــان
يا خوي أنا أول في غـلا الأخــو مــدري
أغــلـيـك لــــكـن لك غــــلا تـــو مـا بـان
أثرك عــنــدي بالــــغـــلا غـلـو عـــمري
وأنت الصـديــق و بـاقــي الناس عدوان
يبيع فــيا الـحزن عـــــــقــبـك ويــشـري
غــديت كـني ســـــــلعـةٍ بـيـن الأحــزان
وليا ذكـــرتك دمــعـــة العـــيــــن تجري
يــــمـــطر على خدي تـقـل وبل هــــتان
وأصــبــر ويا صـبــري ويا كثر صبري
والله ما يـصـبر مثل صـبري إنــــــسـان
ليا ســمــعـــــت بــسمعـتــك رفع قـدري
أرتاح لـــو أني مــــن الـــهـــم زعـــلان
ويهـيــج مع ذكــرك غــروري و كـبري
ليا شفـتـلـك فـي صفحة المـجــد عنوان
ذراك لـزحـــول الرياجــيـــــل يـــــذري
وتارد عــلى دربك رجـــالٍ لهم شــــان