#أبيات
#بوح
أبيات بعنوان (ويش عاد باقي )
بقلم / فواز الزويهري
➖〰➖〰➖〰➖
ويش عاد باقي من عهود المودة
من بعد خليت المعاهد مزوحي
تلعب .. بودك لعب فيه المضده
ما تدري إن الود لعبه جروحي
البحر لا يغريك جزره ومده
وأنت على الشاطي كبير الطموحي
في داخله تعرف ضحوكه وجده
ومن لا حسب للعمق روحه تروحي
عمق الشعور إحساس حنا نمده
بصادق النية ... وقلبٍ سموحي
وأنت ولا همك كلامٍ نعده
مثل الذي لظل دايم يبوحي
لاهي بلا معنى وحبلك نشده
حتى انقطع من كثر شدٍ لحوحي
واللي انقطع حبله ترا ما نرده
و المقتفي دونه توقف شروحي
عمرك سمعت بميت يعود عهده
أو يوم ماضي يعود مشرق صبوحي
و منهو كتب حرف النهاية بيده
ما نجبره يكمل بخطٍ ينوحي
〰〰〰🍃🍃🍃〰〰〰