سلام بديته لكيل الموازين
من ود لو تسمع فجوفي دويه
بالوصف تخميني مثل قصف برلين
لححق قبل قلبي يكون الضحيه
كاتم ومن مبطي على غايظ البين
وش ذنب من يحسن تجازيه سيه
القلب يا قلبي يعاملك با اللين
لا وين يا بالغ حدود الاذيه
ستة عشر عاما لما بعد الالفين
تقسيم و الناتج ثمان و شويه
يا عمري الباقي مصيرك على وين
الحب من قبلك مشدد طميه
طوفتها لنك على الراس والعين
لكن لو زادت تراها قويه
ترى الغلا حده مثل حد سكين
ياخاضب الحنا يدينك نديه
الين خلاني اعوف المزايين
با الله لا تشره حبيبي عليه
ممشاي بالفطره لحسب القوانين
ولاني بمن يسمع كلام الوشيه
تغانم الفرصه بعد جاتك الحين
قدام لا تلفى عليا المنيه
وان كنت مستغني على رقابنا دين
و العلم ما يخفى ومنك الخطيه
وان كنت تهواني ابي منك تبيين
لا تتعب افكارك وتكتب وصيه
ابن حماد