ياهجوس الشعر ماهي عالبحور الاوليه
نويت ابحر على البحر الطويل وموجه الهادي
والسفينه جاهزه وشراعها يرفع بإديه
وانا قبطان السفينه راعي الفكر القيادي
يامجاديف القوافي هبت هبوبً عذيه
من شمال المملكه يازين نساس البرادي
يعني لفي للمواني والحدود الساحيله
نويت اقطع تهاتيه الصحاري واصل بلادي
الحفر واهله غلاهم داخل الروح البريه
ماهو غلا يوسف الحجاج في حكم بغدادي
غلاهم مثل السحايب والسحايب عايديه
بس لاشفت الفياض تسيل شيً ماهو عادي
وفيها شيخً لو عطيته عيني ورحي هديه
مالحقت امن الجزاء مثقال ذره يالعبادي
علم اهل البخل درسً بالكفوف الحااتميه
البخل المرجله ماتجتمع عند الريادي
ورثً من شايبه طيبً وعز وقابليه
والكرم والجود والطنخه وزينات المبادي
واسمه سليمان محمد يمكن تحصل سميه
لكن العاقل يفرق فالبياض وفالسوادي
جعل عينه ماتشوف الضيم فالدنيا الدنيه
الله يطول بعمره على طاعه واجتهادي