شاعر ومبدع واعرف الشعر وفنونه
وارسم من الياس بسمه لك وصورها
ماني من اللي تضايق تذرف عيونه
مدام باقي دموعي في محاجرهاا
الضيق والحزن لا ترفع تلفونه
حتى ايش لو اتصالاته يكررها
يعني تبسم وخل الضيق وشجونه
وناسً تجاهلك تكفى لا تقدرها
يامبتدى الصمت فيه ابيات مسجونه
افتح شبابيك سجنك لجل اعبرها
قلبي يحب السحاب وهلت مزونه
والعين تسعد لك الله يوم اناظرها
يقولها اللي يعرف الشعر وفنونه
اضحك ترى الناس ماتظلم مشاعرها