اللي عظامه بالمواقف هشاشه
لو ترفعه ياشاهد الزور طاحي
العلم معنا لايطول نقاشه
ماكل غلطه يالمنافق سماحي
العام تمدحني على كل شاشه
وتقول ياطير السعد والفلاحي
واليوم بعيونك هزوم وغباشه
عن الحقايق ياقليل الصلاحي
ماكل باشه بالصعيبات باشه
اليا رقص شيطانها من صباحي
يغر بعض الناس لمعة فلاشه
ويفكر ان الدرب قدمه براحي
ياهن فيك اخبال مدري دفاشه
تبغى المطير ومانبت لك جناحي
الدار عارف نادره من خشاشه
والسيف سله والمراجل كفاحي