السلام عليكم ورحمة الله وبركاته
مساكم الله بالخيررر
للتواصل
عشنا وشفنا لك الله كل حاجه
وكلن في دنيته يلقى خراجه
هذا وقت الترف ياهل المروه
الذيب اصبح خويً للدجاجه
واشيب عيني ليا شفت المهبل
تطرد ورى قراطيس العجاجه
واضحك لاشفت لي شخصً تذكر
زله وافزع ادور له علاجه
سبحان رب(ن) يغير ماتغير
ترا طعم الحلو يفسد هماجه
واكره منهو تولع بالنميمه
واحب اللي على النيه مزاجه
(الا هبي بصحنك فاصبحينا)
قالها عمرو قبل يعلن زواجه
تدري وش يقهرك؟؟؟ لاصرت طيب !!!
والطيب تال الزمن اصبح سماجه
وتدري وش ثوور القالون فيني
عيون قريش!!! تحسد اي حاجه