متى على الله يفرحون سنة الشام=بنصرٍ يعم أرجآ بلاد الشوامي
ويغير الله حال وأحوال الأيام=بعد أضطهاد وظلم وقهر النظامي
على يدين أنجس عصابات الإجرام=زمرة عُصاة ماعندهم بالحرامي
كم سفكوا من دم سني بالاعدام=من شان يرضي آيته والأمامي
والشعب تظاهر مايبي هيك حكام=وحرك عليه الجيش بشر أنتقامي
الطائرة ترمي عليهم بالالغام=والمدفعيه تدك شامي وعامي
وشبيحةٍ تغتال والناس نيام=وقناصةٍ في كل زاوية ورامي
دمر حلب تدمير زلزال الاصنام=صارت خراب مما جرى من هدامي
وباقي المدن تزلزت بين الأقدام=واللي يعيش في وسطها ماينامي
تشردوا بين الدول مثل الأنعام=مابين خوف وبرد وقلة طعامي
عقب القصور اليوم سكانت خيام=والليل خرمس عايشين بظلامي
عجزٍ ثكالا تنوح وأطفالٍ أيتام=يشكون حال البؤس لرب الأنامي
وعالم يشاهد مايبث فيه الأعلام=من صفيات أجساد فيها جسامي
ولاحدٍ يحرك ساكنٍ بين الاقوام=والغرب وده للعرب بنهزامي
والصين هي والروس تأييدهم عام=بالفيتو الخبيث دونه تحامي
لأجل المصالح لو جرى الدم حمام=ماهمهم دم العرب والخصامي
والرافضي الملعون عونٍ للاخصام=وده يشيع أهلها بالتمامي
معاه حزب أبليس شيعته الأقزام=من شان مايطيح رأس النظامي
وموقف ملكنا طال عمره لنا ودام=موقف أنساني من ضميره يحامي
حرك أمم مارتاح يومٍ من الأيام=ولازال هذا ديدنه بالدوامي
ويجب توقف آلة الحرب قدام=تطحن رحاها اللحم والعظامي
وسير لهم حملات بالمال وأنعام=حقٍ وواجب يعتبره التزامي
وشعب السعودي واقف بدعمه التام=وذي عادة اللي عودوه الكرامي
يرفع يديه بكل مسجد اليا قام=يعجل فرج أخواننا بالسلامي

[table1="width:95%;"]