يا مثيرين الشغب فالديرة المعموره
الفشل والخزي فالمرواح ولا الجيه
الحقايق و الوثايق فالصحف منشوره
ليش قابلتوا حسانينا بفعل السيه
عارفين الاصل فالموضوع ولي صوره
الاصل يبقى واوهام الفشل منسيه
في زمنا به بشر ياخواننا مسعوره
بالحسد للطيبين قلوبهم ممليه
من يمد اديه ترجع بالفشل مكسوره
بالصقيل تقص ولا تقص بالجنبيه
شايتينه شايتينه مثل شوت الكوره
ما يلاقي عندنا رحمه ولاماويه
يا خفافيش الظلام اهل الخطا المعثوره
الصحاف السود حقتكم ترى مطويه
عزنا فرجالنا والرايه المنشوره
رفرفت راياتنا وامجادنا ماريه
العدا واعوانها بافعالنا مقبوره
مادام حنا عايشين ابلادنا محميه
شعب اخو نوره بقاداته يشعشع نوره
والملك سلمان حكمه عدل ميه ميه
بالفعول اللي تنومس دارنا مشهوره
العروبه فالقلوب ودوله اسلاميه
ياخفافيش الظلام اهل الخطا المعثوره
بلادنا من شركم باذن الولي محميه