الحمدلله سلت ياوادي نجار
من بعد ماجالك ثلاثين عامي
يالوادي اللي فيك ترتاح الانظار
وتطيب نفس صايبتها الضوامي
ياما معك خاويت وافين الاشبار
ربع على الخوه ياطيب المقامي
سحمان يانعم الرياجيل الاخيار
في مدحكم والله يزيد احترامي
ياسيوف حرب ومقصد الضيف والجار
ياهل الكرم واهل الوفاء والاسامي
في طيبكم لو انظم بيوت الاشعار
والله ماتوفي من غلاكم كلامي
من لاعرفكم ماعرف كيف يختار
ومن لاخاواكم مالقى له احزامي
فيكم على كسب النواميس مقدار
وفيكم على العليا عزوم ومرامي
قلته وانا رويثي على العز مغوار
حافظ مواجيب العرب بالتمامي
شاعر ولي بالشعر سجه ومشوار
اسوق قافه مثل سوق الخطامي
عضيدكم وقت اللوازم والاخطار
وخويكم في كل وقت ومقامي
عبدالعزيز مناور الرويثي الحربي