يابو بدرحقك عليه ازياره
اجيك ياراع الوفاء لو بعد حين
ازيارة الوافين عز ونعاره
شرواك ياراضي وريث الكريمين
قال المثل عرف النشاما تجاره
ماهي تجاره بالذهب والملايين
في سوقها مافيه غلب وخساره
هذا الكلام اللي عليه المضامين
الطيب فرصه والدعاوي شطاره
والسيف سله والمواقف براهين
يفداك من رايه وعرفه دماره
يجهل سلوم اسلافنا والقوانين
مافيه مر وماب بدمه حراره
يرد شوره للمره والوراعين
ماله صديق وماعرف حق جاره
بيبان بيته مغلقه بالكوالين
لاقلت مخطي قال هاذي حضاره
لاكاسبن دنيا والا كاسبن دين
الحر يفهم مقصدي بالاشاره
واللي يعرف الهند مايجهل الصين