رحلت يابدر الحويفي وخليت
السمعه العطره وجزل المعاني
والطير وديار القنص والمكاشيت
والطيب بين الناس قاصي وداني
فرقاك ياريف الخوي شايع الصيت
هزة عسى ربي يبيحك كياني
مافيه شك انك عن الحي قفيت
مير العوض في طيبين المجاني
نعم العيال اللي على الطيب ربيت
سلمان وخوانه طوال اليماني
محزم ظفر ماهوم رخوم وسرابيت
اعيال عم ومن نوادر اخواني
تمت وانا بالقلب مثل الدناميت
والدمع لامني نهيته عصاني