حربي ولي في قمة العز مدهال
مامشي ورى العالم ولا اتبع صداها
في موضعن يتعب على شانه رجال
واظن من بعد التعب مامداها
حنا مكارمنا توارثها الاجيال
نخشى الدنية ونبتعد عن رداها
حنا دفعنا ابسانا كل الاهوال
حنا قطعنا راسها مع يداها
مانلتفت للي يلتون الاقوال
لو نلتفت نكتم عليها نداها
وان زادت النعرة دعسناه بنعال
وانعالنا تعرف روايح عداها
واللي تمادى ويتمادى ولا زال
ياما ندم جيشن علينا بداها
منتا كفو من شان تواجه رجال
وانت غلام وتو حياته بداها
حنا لنا سطوة ووقفات وافعال
وانت مداك قصيرن عن مداها
حنا الحروب نبيض الوجه بعمال
وحربينا العزة لباس ارتداها
ظنيت نترك سبتك هذا محال
لنا قبلية كلنا في فداها