في احدى المواقع على الشبكه
كان هذا الحوار بيني وبين الشاعر
ابراهيم الشيخي
ابراهيم
مرحبا ترحيبة مثل ميزان الذهب =كل كفة راجحة واقفٍ ميزانها
ماخبرت انك تعدى على مال العرب=لاتدق بيوت ربعي ولابيبانها
بقايا وميض
البقا والبن ماله قدوع الا الرطب = انتعلى عذقها وان نزل عرجونها
ماتعدى عن حدودي ولا احب النشب = روح في شانك وخل العرب في شانها
ابراهيم
انت شبيت الحريقة وقربت الحطب=ياحميدان اشعل النار في ميدانها
شفت لك صيدة وقلت العشا توه زهب=غير لو جا ذيبها ماوقفت وزانها
بقايا وميض
لونشب النار طاح الفراش مع اللهب = مير حظك شعلة النار مع دخانها
ان بقيت الصيد نقدر نصيد بلا تعب =لو تجمع تهاماتكم على زهرانها
ابراهيم
احتذر ياخوك والخط باقي ما انكتب=وانا عارف بالمراسيل من عنوانها
خلها كلمة وعلمة وتعتيب وعتب=تدري ان زهران قومٍ طوال ايمانها
بقايا وميض
قد قريت الخط خطك وجاني بالعجب= لاتضيعك الهقاوي وتتبع شينها
المعاتب بين الاصحاب من حسن الادب= مير انا ماذم زهران وانت لسانها
ابراهيم
خطك الخط الذي راح حبره وانسلب=لاتخط الكلمة اللي غدا ديوانها
لابغيت اهديك سيفٍ منقش في الهدب=لاترجعها بعد ماعرفت مكانها
بقايا وميض
رد سيفك مالنا فيه لاشف ولا طلب = من نصيبك كلها حربته وسنانها
ودك بقطف العنب مير حامض ياعنب= والجنازه مالها الا جديد اكفانها