.
.
.
يــا نـاشـرٍ عـيـب الـبـنادم عـلـى ويـش
مــا انـتـه مـحـصل مـن وراه الـمعاشي

مـكـثـريـن الــهــرج عــشّـاقـة الـطـيـش
الـــــي يــحـبـون الــغـلـط والـنـقـاشـي

كثروا وانا ادرى ما ورى سعيهم عيش
لا شـــك عــمـدان الـمـعـرفه هـشـاشـي

الـــــي يــــدور بـالـنـشـاما عــرامـيـش
مـــا هـــو بـحـقـه جـلـسـته بـالـفراشي

ودك اتــصــلـح لـلـسـوالـيـف تــفـتـيـش
وتـنـقـا عـلـوم الــي تــروي الـعـطاشي

مــن شــان مــا يـلـحقك لـوم ومـباليش
لا تـنـعـمي وتـطـيـح وســط الـهـلاشي

بـعض الـعلوم اشـبه لـها لـذعة الـفيش
مــا يـقـولها رجــلٍ عـلـى الـعـز نـاشي

ولـصـرت جـاهـل مـطلق اعـنانها لـيش
لا تـرخـص الـكـلمه ولا وهــي بـلاشـي

احـمـد ولــيٍ كـاسـي الـطـير بـالـريش
غـيـرك طـريح افـراش وسـط الـنعاشي