مساء - صباح الخير
بعد مانتشرت هذه الابيات من خلال الواتساب والتويتر
كتبتها هنا كاثبات حقوق لي
الرفاقه كنز والطيب رصيد=والرجال تبين ماهي خافيه
يتعب الرجّال للعلم المجيد=والردي عينه بدربه غافيه
الرجال من المراجل ماتهيد=والردي دايم فراشه دافيه
وسمعة الرجّال ينقلها البعيد=وافيه بالطيب والا هافيه
والرجل يصبر وينظر للبعيد=ودورة الايام ماهي صافيه
المريض بعينه الصاحي سعيد=والمعافى يشوف ماهي كافيه
تمسي بقصر وملذات وعبيد=وتصبح الدنيا ورجلك حافيه
وتنظر بوقتك وربعك والرصيد=ولا تشوف الا الرجال الوافيه