بعض الثمر لوكان داني وصايف=سمٍ يبتّ العرق ويفجّر الزور
وترا الصداقة ماتجي بالصدايف=لها ثمن مابين الاجود مذكور
حبٍ وصدق القول مابه كلايف=مشاعر الاحساس والقلب دكتور
يدرك معانيها مثل ماهو شايف=ويمنح لها تصريح ويعايش الدّور
واللي مْنَه هوجاس الافكار خايف=مايقربه قلبك على طول محضور
يبقى بعيد وحوله الشكّ حايف= لو تشهد العالم معه شهدة الزور
تابع احساسك وانتبه للحسايف=لاتغرك الضحكة على سن مسعور
ومن لايقدر جيتك لاتهايف=المَرّتَه لوكان عالم ومشهور
جنب لحيٍ عنك دايم يسايف=واشمخ بنفسك مثل مايشمخ الطور
ترا العمر ظلٍ من الشمس زايف=احفظ مكانك حي. لامت مقبور