ماجلان =
فالليل ياخالد البحار = العين بلت مخدتها
من شوق فالقلب كالأشجار = يوم الأعاصير هزتها
البحار خالد =
هذا الهوى فيه لاتحتار=غرام الأشواق لذتها
كل ما نطفت نار شبت نار=فقلوب وتزيد لوعتها
ماجلان=
مابي هوى واسمع اللي صار!= ليلة وزادت في ظُلمتها
لو كنت ياصاحبي لي جار = تسمع بكايه فحزتها
ابكي ليالي عسل وازهار = مرّت وعشنا حلاوتها
اليوم صارت من التذكار = ماكنا عشنا حقيقتها
البحار خالد =
طبع الفلك دايماً دوار=دنيا وتطوي فصفحتها
واللي انطوى منها تذكار=يبقا لكم طيب سيرتها
لاكِن خلك مع الأذكار=ترتاح نفسك وغايتها
ما دام ربك حكم وختار=امسح عن العين عبرتها