الشـارع اللـي دونهـا ليـه أمــره= يمكن ( إخطاي ) إن مرته ماتعـدي !!
مالـي وراه إلا الـنـدم والمـضـره= ولافيـه شـي ٍ يستحـق التـحـدي !!
لـو كـان يـدري بالعتـب والتشـره= ماكان ضيعني .. ولا أنبـاح سـدي !!
لـه ذكريـات ٍ بالحـشـا مستـقـره= أقـول ( أبنساهـا ) ولاهـوب ودي !!
لإنهـا (أرحـم ) مـن يديـن المبـره= ولإن ( سلطان الهـوى ) مستبـدي !!
والمره اللـي غيـر عـن كـل مـره= فيها ( إستلمت ) أحزان عمري بيدي !!
من ( جادل ٍ ) تحرق ( نجوم المجره )= كن الجمال يقول لي ( مين قـدي ) !!
وكن الحزن ( ليـل ٍ ) وراهـا تجـره= يبني من صروح الحنين .. ويهـدي !!
قلت : ( الغرام .. عروق قلبي ممره )= والحزن بأشواقـي يجيـب ويـودي !!
واللي ( عبثتيبه ) ( على حين غـره )= صاااابنه سهوم الهـوى ماأستعـدي !!
أمـا تعالـي ..( عاشقـة مستمـره )= ( أسطوووورة ٍ ) منها الحلا يُستمدي !!
وإلا ابـعـدي والـقـلـب ( لله دره )= ماهـو بأساليـب الجفـا مستجـدي !!
في داخله من ( لوعة الصـد ) حـره= وإنتي بكيفك ( تقبلـي أو تصـدي ) !!
تبسمت .. قلت ( الهـوى راح شـره )= وأقفت وعيت عـن سؤالـي تـردي !!