مساكم الله بالخير والعافيه
بعض الوجيه بوقتنا مالها حل
الشكل يعجب والفعايل على الله
ان جاك جمع له ثمانين مختل
وان راح ماحصل ياغير المذله
لاحدته دنياه نفرش له الزل
واليا زهمته قام دمعه يهله
مسكين والمسكين ماهو لنا خل
جعله مهف مقيط ورشاه كله
يروح في دنياه ضايق ومعتل
وان ماعجبه الهرج دربه يدله
يامعشر الشعار للمعضله حل
واللي كسب له عرف سيفه يسله
ماينفع الدجال زيفه الى زل
ولاينفع الضميان ظل يظله
تباشروه الناس بالطيب والفل
ولافيهم اللي قام حلقه يبله
لين اصبح المسكين عاجز ومنشل
وجموع ربعه في مكانه تصله
يمكن يموت وذنبه ان مات للكل
الا على اللي لغز موته يحله
يقلط على القيفان ويقول ويهل
ويفسر الموضوع دقه وجله
ويبشر بدرع وبيت مبني على التل
واليا بغى المليون يقدر يصله
عبدالعزيز مناور الرويثي الحربي