الرّجل لااظهر ماقفه في ربوعه=وابدا لهم طيبه وجلّ احترامه
باللين والمعروف يبدي خضوعه=ويعمل لهم مطلوبهم ببتسامه
يركي لثقل الحمل صلبه ضلوعه=وفالزوم ربعه سريته بالجهامه
لا احتاجوا الفزعه تجيهم فزوعه=مثل المطر يجلا القحط من غمامه
هذاك قدره في تزايد طلوعه=يكسب مودتهم ويعلى مقامه
واحجاب ابن سمران هذي طبوعه=من قوم ممدوحه ليوم القيامه
هذا الرّفيق السّنع نفسه جزوعه=حضيض من خاواه حطّه حزامه
ماينام ليله راسه براس كوعه=والوقت مايقضيه ضيق وندامه
اللي يعرف احجاب كثرة نفوعه=رجّال في وعده شديد التزامه
ياالله لاتسيّل بخدّه دموعه=ومضّي له الايّام عزّ وسلامه
لجله مقدّم طيبته في ربوعه=وابدا لهم طيبه وجلّ احترامه