المشاركة الأصلية كتبت بواسطة سعد المحمدي

النفس من يومين للزاد عايفه=
=من الزمان اللي كثيره كلايفه
لاقلت يانفس الخطا شايف الخطا=
=قالت كثير من الخطا منت شايفه
قلت الليالي علمتني بعزتك=
=فيك اعتليت من اول العمر نايفه
ماني من اللي كل طفسه يحوفها=
=ويشحد من الفقري بقايا رغايفه
اسري مع ادروب الخطر ليلة الخطر=
=لازان لجنوب المراوي قطايفه
لقمه تجيني بعد ماتعب عشانها=
=الذ من زادن كبيره صحايفه
ابوي علمني على الطيب والكرم=
=وقال ان جهلت انسان ناظر ولايفه
ميت ومدرك في زماني وصيته=
=عساه بالجنه تسلي طرايفه
مقدامنا بالعرف والجود والقنا=
=لاشان هرج اللي عن الحق زايفه