الذيب دايم منزله فالمراقيب
والا الحصيني مندحر فالمغاره
والمرجله ماهي بعكف الاشانيب
المرجله قول وفعل وشطاره
والناس فيهم طيب وابهم عذاريب
والحر دايم يفتهم بالاشاره
بعض الرجال مرافقتهم تطابيب
وبعض الرجال مرافقتهم خساره
خاو الرجال اللي تعز الاصاحيب
اللي معك وقت الحلا والمراره
والا الردي لو هو لشخصك قريب
ناره عليك تثور باول شراره
والنعم صار اليوم دبه على الشيب
الكل يملاها ويمسك مساره
من اول يعطى على فعلة الطيب
فعل الرجال اهل الظفر والنعاره
والحين يعطى لردي دون تجنيب
يفوز به لو كان ما شب ناره
والطيب صار اليوم عند الاجانيب
والا الرفيق اليوم قل اعتباره
عند الرجال اهل الوشى والاكاذيب
والا الوفي معروف وشهو شعاره