صبحكم الله بالخير
اشوف فالدعوى هروج وعذاريب
قامت تجاذبها يدين العقارب
شي يعرض هامة الراس للشيب
ويخلي الصاحي بعقله مضارب
اقولها لو تزعل الناس وتجيب
شي على غير السناعه محارب
يامحمد القيفان جتلك مطاليب
يحثها فكر من العرف شارب
مالك ومال اللي يغث المشاريب
جعله مراح مقيط ضايع وهارب
ماهو لنا ياخوك حش العراقيب
ولاهو لنا فعل مع الوقت خارب
الشعر مضمونه يجي بالمكاتيب
وانته على المضمون سدد وقارب
ان كانها وصلت عساها تجاريب
وان كانها عدت عن حماك حارب
عبد العزيز مناور الرويثي الحربي