مافيه شيٍ عن عيونك اخفيّه=الا غرامٍ زاد عن عام الاوّل
ملكتي أحساسي وقلبي ملكتيه=واصبح غرامك بالعروق يتجوّل
لك الغلا والحب واسمى معانيه=يومٍ غيرك بالمحبه تسول
ماعندي اغلى من حضورك وطاريه=حتى لو غيابك مع الوقت طوَل
اللي معه باشة حسن ويش يغريه=يقنع ويشكر نعمته لا تحوّل
بقول لك واشرح لك اللي جهلتيه=ولا تقولي راع المحبه مهوّل
لولاك قلبي يالغلا ويش محييه=انته علاجه والطبيب المخوّل
عرش المحبه والغلا لا احد يجييه=ولا تسمع اللي قال واللي تقوّل
قلبي قبل عرفك قفارٍ محانيه=انت الاخير اللي اعرفه والاوّل