سلام يا اللي تستحق التحايا=يااللي على الجزلات ماأنت بمسبوق
البارحه عطشان وأروى ضمايا=جزل البيوت اللي على الكيف والذوق
بيوتن جميلة من خيار النقايا=بيوتن جزيله ماشراهن من السوق
أرسل حكيم ولابيله وصايا=شرواك يااللي تعرف الحق وحقوق
من لابتن فوق النجوم العلايا=ذروة سنام المجد والمجد معشوق
مزينة ومجّدها رسول البرايا=والمجد والتاريخ والطاق مطبوق
وابن العريمه يذكرونه طنايا=ويبقي لنا التاريخ ماهو بمسروق