انا جهني واسمي مايحتاج تعريف = يالشايب الي كل كلمه وزنها
عن ويش تنشد يامدير السواليف = تبغى الجواب انطق وبين علنها
تعرف حقوق الجارللجار والضيف = ونرد بالجابه لا جتنا ثمنها
مانختلف والعرف قسم العواريف = تخبرك دورات السنين بزمنها
هذا وترا دايم رجال المواقيف = يبين في وقت اللزوم امعدنها
والمخطيه لن جاتنا من الملاقيف = مانلد فيها طبعنا نشوم عنها
نرسي كما مرسى الجبال المشاريف = ورجلي عن الزلات ربي حصنها
وداراً من الوادي لما تاصل السيف = مافيه حيِ من ربوعك سكنها
فيها الرواشد مرويين المراهيف = لاصبحوا قوم استحلوا وطنها
كم شيخ قصوا راسه بشذرة السيف = وراحت بعارينه بساقة ضعنها
وعن ويش تسال يامدير السواليف = يالشايب اللي كل كلمه وزنها