البارحه راسي على كف عفريت
أمسى يقلبني يمين وشمالي
كنه يشب بوسط صدري بكبريت
والنار تشعل من لهبها خيالي
نوبه يسافربي وانا داخل البيت
ونوبه يذكرني ببنت الحلالي
افكار تطريلي على غير توقيت
والنوم متقهوي بصفر الدلالي
سلطان نومي انتظر فيه وازريت
روح علي الليل مابعد جالي
قلطت هوجاسي بعد ما طفا الليت
وطال البطا والضيف جالس قبالي
ثم جاتني الفكره وقمت وتوضيت
وبثيت حزني يم رب الجلالي
صليت لي ركعه وبالحال حسيت
في مشية ضيوفن منول ثقالي
من بعدها نايم ليا الحين فزيت
وقلبن سكنه الهم ذالحين خالي

أحمــد الخــواري