ليه ثلاث ايام ماشفت عينه=وكني ثلاث سنين ماذقت لزاد
ليت المسافة بين عيني وبينه=خطوة واعديها بلاحضر وقياد
وللي يلوم اللي مفارق ضنينه=عز الله انه ماعرف معنى الابعاد
ولاحس في شوق الخفوق وحنينه=ولاسهره طرفه والاجواد رقاد
ساهي ولاهي مقبلاتٍ سنينه=مازاوره همه على غير ميعاد
قلبي من الفرقا تقطع وتينه=وانا غديت بغربتي مثل بغداد
واللي مثل حالي عسى الله يعينه=كنه يدق بمهجته حام الاوتاد
يعيش بين الناس لاكن وينه=فكره يحدربه متهات وسناد
لو ضحكته بانت حدر حجبينه=القلب من فرقا المواليف بنكاد
صحيح بعض الناس خلقه يدينه=يلبس فرح والقلب بالحزن وقاد
واكبر قهر واكبر عذاب وغبينه=لاقيل ماتشكي من الهم سوعاد
وفي قلبها حزنٍ بحجم المدينه=والعمر ينقص والحزن عكس يزداد