حلمت لي حلم وطلع حلم كذاب
وهـمٍ يبين لي حقيقة عـذابي
سراب صيفٍ زود أتعابي أتعاب
ركـضت خـلفه مع طـريقٍ نحابي
أصبر وأجامل وأتحرا للأسباب
عل وعسى يفتح لي الحظ بابي
لقيت حظي نايم بين الأطناب
متـوسد كـفه فـراشه تـرابي
ردي مايحسب لفعل الوفاء حساب
ينام لو يسمع لصوت المنابي
وش حيلتي به ياعربين الأنساب
أنا أقتله ردوا على الجوابي
ما ثابني هو حي لامات ماثاب
وش رايكم مافيه حلٍ ايجابي
وإلا أتركه وأحط لي عنه مجناب
في نومـته الى نهار الـحسابي
::شموخ الأصيلة::