مبـدا حروفـي سـلام لذيـب يوحيـهـا
واسوق فنجال طيب لكل مـن جاهـا
يالاجـودي كـان تفهـم فــي معانيـهـا
وتـقـرا سـطـورن تــوارد فــي ثنايـاهـا
هــذي حـروفـن تمـتـع عـيـن قاريـهـا
من غب بحـر الحيـاه الكـم جمعناهـا
الطيبـه بــا النشـامـا شـيـك راعيـهـا
والطيـبـه بــالاراذل خـــاب مسـعـاهـا
الطيـب يرفـع بيـوتـن لا سـكـن فيـهـا
والشـر يهـدم قصـورن عقـب مبنـاهـا
والعقـل نعمـه مـن الرحمـن يعطيـهـا
مـافـاد بـعـض الاوادم يـومـه اعطـاهـا
عقول بعض البشر صفـرن مماشيهـا
مثل البهايم خـلاف العقـل ممشاهـا
ونفـوس بعـض البشـر زيـنـه مواريـهـا
ميـر البـلا والقشـر والشـر يغشـاهـا
رجلـن حياتـه بفعـل الطيـب قاضيـهـا
ورجلـن دروب الـردى والشـر يهـواهـا
رجـلـن كـريـم وضيـوفـه دوم يرضيـهـا
ورجـلـن بخـيـل وقهـوتـه ماشربنـاهـا
رجـلـن حـكـيـم وهـروجــه مايثنـيـهـا
ورجلن هروجه كما النسوان فحكاها
ذي نــاس بالـوقـت لابـــدك تلاقـيـهـا
واحـرص علـى الطيبـه تاليـك تلقاهـا
دنـيــاك دلــــه ولا مــــل امتقـهـويـهـا
لـو كـان بعـض الزمـن يكثربهـا مياهـا
العمـر سفـره مـع الانـفـاس نقضيـهـا
لوطـالـت خطوطـهـا نـعـرف نهـايـاهـا
يالله طلبـنـا الـرضـا وذنــوب تمحـيـهـا
وجنات خلـدن جميـع الخلـق تبغاهـا
تـمـت قصـيـده وريــح الـعـود قافيـهـا
يامرحـبـا مسـهـلا والطـيـب يقـفـاهـا


أحــــــــمـــــــــد الـــــــــخـــــــــواري