لاتضطجر وتنوح وقت المصيبه=مادام فات الفوت ماينفع الصّوت
ذي سنّة الله كلّ حيٍ تصيبه=درب الحياة ايوصّل النّاس للموت
واطلب له الله رحمته ترتقيبه=باعلى مقام بجنّةٍ مابها موت
اعيش فيها بالرّحاب الرّحيبه=بالمسك والعنبر ولولو وياقوت
في دار مافيها نميمه وغيبه=غاب الحسد عنها بها طيَّب القوت
ولا وصب ولاّ نصب يبتليبه=ماهي كما الدّنيا بها غلّ واكبوت
اللي مكاسبها تعوّد غليبه=فصدور اهلها ضيق لو فوسع ابيوت
وانا اطلب اللي قدرته ماتعيبه=ضرب المثل فبعوض ولاّ على حوت
ينجي بن مبارك سعاير لهيبه=ويسكنه فالجنّه وذي دعوة اقنوت