قبل غروب الشمس واعلان الافطار=يالله طلبتك طلبةٍ مستجابه
جنب وطنا ياإلاهي للخطار=واحفظ لحكامه واسوده بغابه
واحفظ لنا ذخر الوطن كل بيطار=وجنودنا بكل القطاعات لابه
اخونا وأبناءنا ذخر الاقدار=هم سترنا هم عزنا والمهابه
احجابنا لاصار بالامر ماصار=دون الوطن سورٍ منيعٍ جنابه
ماهم نصيرية مثل ربع بشار=حشى وكلا مالهم من يشابه
قد بينو في فعلهم عدة امرار=خصيمهم يالقاء دواه بزهابه
اسود وان هدو على الخصم جسار= صغيرهم دوس الخطر مايهابه
ربو على التوحيد والحق والثار=مع عزةٍ بالنفس فعل وذرابه
وبهم مع الفزعه عزيمة مع اصرار=وحميةٍ في وقتها يندرابه
مجربين وكلهم نسل الاحرار=عيال القبايل واصلهم يعتزابه