الشاعر علي الحصني
كان اولابك ان تكون وقفاتك مع اي شاعر من شعراء حرب
او على الاقل مع شاعر متزن
اما بندر بن سرور لادين ولادنيا والله غفور رحيم ومايحق لنا ان نقول ألا الله يرحمة
اعلم ان الكثير سيخالفونني حول بندر بن سرور
ويقولون انة من كبار الشعراء ولاكن بندر دلو طين ودلو ماء
والفيصل بيني وبين المعجبين ببندر قصائدة :
فعلى سبيل المثال :
من ما نقل لنا الاخ علي الحصني
بديت ذكر اللي بسط سبع بوتـاد
واللي رفع سبعً بليـا عمدهـا
الواو الذي ذكرها في بداية الشطر الثاني زائدة وغيرت المعنى وكانة يصف الاة اخر مع الله ( سبحانة لا الة الا هو )
ويقول :
والكار اللي صار غيثً للاجـواد
لاقبلهـا صـارت وبـه بعهـا
واعتقد ان الناقل نقل الشطر الثاني خطاء
ولاكن نحنوا الان بصدد بندر بن سرور
اعتقد ان بيتة اصلا :
والكار اللي صار غيثً للاجـواد
لاقبلهـا صـارت ولابـه بعد هـا
بالله عليكم وش هي اللي لاقبلها صارت ولابة بعدها وهو يتحدث في صدر البيت عن مذكر ؟
وان كان اخطاء من الناقل فانا لي ما ارى امامي
ومن اقول هاللي تقولون عنة علم من اعلام الشعر :
راكب اللي عايروها بالامتار = طراز بنق شغلت بالعدالي
زادو هواها واطعموها من النار = لين الانبير المنسدح عد صالي
بالله عليكم الطيارة تعاير بالامتار ماتحسون ان المتر كبير جدا على مقاييس الطائرة لو قال بالملات يمكن
وبعدين وش هالامبير اللي انقلب رشاش يطلق صليات انا اعرف ان الصليات لرمي الرشاش
ونذكر قصيدتة :
ياحربي الضبان وين انت غازي =
اللي بقية ابياتها كذب وخرابيط
ولاكن بس ليتكم تروون اللي لحرب
يا اخ علي انت وجميع الشعراء المتواجدين لبي اسألكم عن رد هواش علية بقصيدتة ياحربي الضبان وين انت غازي ( وكل الناس ياكلون الضبان )
المهم اذكركم ببيت من رد هواش الله يرحمة :
اللحق مخازيك القديمة مخازي = وانبح نجومن دونها يقصر الحوم
والا انتم جيدين بتمجيد الشعراء اللي يسوى واللي مايسوى وشعراء حرب تتناسونهم
هذا وانا ما انكر بعض القصائد الجزلة لبندر بن سرور
وانا اعترض على من يقول انة شاعر عتيبة فقبيلة عتيبة غنية بشعراء جزلين متزنين دين ودنيا وهم اولى من بندر بن سور بذلك
واخيرا ارجو ان لا يكون كلامي ازعل احد
الاخ الشاعر علي الحصني كلما زاد حجم الرجل بين ربعة زادت علية الشرهات 0 وان كثرت الزلات عقبتة الشرهه وانت انشالله ماتعقبك شرهات ربعك 0 ومهما سويت انت وامثالك من شعراء حرب نبقى نطالبكم بالمزيد
ولكم تحيات وتقدير اخوكم الشاعر الغريب